舊照片的回憶

每逢13號剛巧是星期五, 人人都會說是黑色星期五, 但對於我來說今天是HAPPY FRIDAY.

今朝收到舊公司同事叫我返去的上班的好消息, 要謝謝阿MILK的幫忙!!

今天終於見到陽光再次出現,可惜呆坐在一個不宜久留的辦公室內. 空閒的我在回想2010年的5月是多麼的自由,多麼的一個接一個的旅程,真的有點衝動像去年一樣辭掉工作,放一個悠長的假期後再找工作. 雖然仲有十多日我就可以飛離這個地方幾天的時間, 但這兩天我已不斷看報紙找新的工作,希望找到一份理想的新工,在新工上班前去多次旅行就完美了.

今日天氣超正,少少的陽光唔算好熱,我無去長洲但去左梅窩仲踩埋單車添呀!梅窩比起長洲寧靜好多好多,真真正正係渡假FEEL.之後去天后附近食嘢,(唔讚自己都唔得)明明間店地址係銅鑼灣道,竟然去到天后地鐵站果頭,我搭叮叮車去,好彩打個電話問店員係邊個叮叮站落車咋,但D嘢食就一般,杯咖啡還可以.之後沿路又比我搵到我本來想去的CAFE店係大D坑內街度,去到見到梗係有影相啦我,周圍都有D幾靚的店舖我都有影,等我整理好比你睇啦.我沿路行發現其實我好耐之前有去過果頭剪頭髮架,所以我識由果頭行返去時代廣場影相.跟住時間已經4點半於是搭車入埋赤柱,可惜去到人太多,陽光又無了,所以無得睇日落,唯有行了陣影下相就返出去尖沙咀,睇巴士路牌(死啦,我要去香港文化中心,都唔知應該邊個站落)唔理三七廿一上咗車先算,車上有顯示下一站係咩,最多去到附近先問司機啦.點知好似個天幫我咁,竟然有打住(北京道,文化中心),哇噻!真係估點都估唔到囉,唔使問落車行過隧道就係,因為我又係睇雜誌介紹有間日式裝潢的西式快餐形式的餐廳,所以我特地去試試,果然不負所望,裝潢唔錯,食物味道都唔錯,價錢都唔算貴(整體都好過中午嗰餐).享受滿足的晚餐之後,連自己都估唔到,我竟移玉步去了星光大道,睇呢個'乜乜照香江',真係人哋的夜景靚D囉.睇完夜景,唔多唔少都要行下尖沙咀,點知我去完呢個K-11商場影完相,附近拍緊戲,我梗係唔會企係度睇啦,當然繼續行的同時,原來我已經搞緊破壞,因為我同余詩曼擦身而過,哈哈,佢真人好瘦,靚唔靚就唔知(化哂妝一定好樣).行完街搭返我至鍾意的天星小輪返中環,帶著疲倦的身軀再行過港澳碼頭,今日非常充實.

我對自己的目的地, 我聽日一定會去到!

又有一新台劇,依家才播第二集.

謝謝我的大舅母, 昨日專程由香港帶了個陶瓷公仔給我, 我真的見識太少了, 連呢個公仔是甚麼公仔, 有甚麼作用都是今晚去食飯時才知道; 不過都唔算遲, 希望承大舅母貴言喇, 哈哈!!

原定今晚8點鐘約好舅父舅母去酒樓食飯, 突然又收到媽媽的來電, 姑姐又致電來約食飯. 嘩~~~唔驚餓死但驚飽死喔!!!

今晚一早約好了香港親戚食晚飯,突然噙日有個朋友要幫手,時間許可下收工即去幫朋友手, 之後再去食晚飯. 嘩!!好充實的一個晚上

今日晏晝放假,約了個朋友嘆完TEA之後去行街街,兩個人無無聊聊去了一間我從來沒有入過的教堂(玫瑰堂),入到去感覺好舒服,可能差唔多關門的關係,祈禱的人不多.其實屋企是信佛的,平時我好日都唔會入廟宇,但今日竟然去教堂,還覺得感覺好舒服,可能沒有煙霧瀰漫的感覺啦,但點都係覺得教堂我會鍾意多一點.

距離5月1日仲有6天, 好想快d過呢一個星期, 因為好想好想離開澳門,離開一天也開心! 期待同朋友一齊去香港, 去遊車河,去陌生的地方, 去熟悉的地方,一齊都會是開心的,我是這樣想.

今日返完正職(成朝齋坐等收工), 晏晝返馬會就行來行去, 無咩機會坐.好耐都無試過這樣子, 苦!!都係鍾意坐定定打吓飛就算!!

午飯後回到公司收到台灣那邊傳來的一封電郵, 是某咖啡店的回覆. 因為我很想到台灣工作, 所以收到這個電郵, 他們叫我先把資料發過去, 好像有了點希望一樣. 心裡很緊張. 雖然不知道可不可以去台灣工作, 但也很開心很開心

這個星期不知為甚麼會常常想到台灣, 今天還想去台灣打工. 是我不喜歡澳門, 還是太喜歡台灣呢??

今日早上, 同個朋友在網路上聊天, 大家都聊到想去香港. 於是馬上就決定4月30日星期六一起去.
所以立刻安排要去哪裡, 所以現在期待那天的來臨.

2011年4月18日晚上, 今天晚上我第一次當模特兒; 給朋友替我化妝,  感覺好得意!